SPREUK VAN DE WEEK
De wereld is een gevaarlijke plek om te wonen; niet vanwege de mensen die kwaad willen, maar vanwege de mensen die daar niets tegen doen.
Albert Einstein
‘k Mei sa graech noch ienris tinke
Oan dy lang forfleine tiid,
Doe’t w' as Aldemarder jonges
Boarten – faek ûnwittend bliid
O, dan komme wer dy bylden
Fan ús plakj’ op ’t âlde sté
‘k Sjoch it boatsje fan Jan Innes
Dounsjend op’e Sudersé.
Age Faber, waerme bakker
Suteljend mei kedd’en wein
Marten Jans syn hounekarre
Kaem fan ’t Nijemarder ein.
Nocht oan ûnnocht, Jan en Nieze
Rintenierkjend, wol to plak,
Oan ‘e âlde Riisterstrjitwei
Net sa fier fan Yke Strak.
Haitsje’ Tryn, de beid’ Albada’s
Klaes en Antsje, Douw’ en Fimm’
‘d Ienichst boer dêr om ús hinne
Wien’ Jan en Atsje siz ik jim.
‘k Hear it lûd fan tûzen beammen
Rûzjend oer it Marder heech,
Yn’ e lijte fan dy bosken,
Stie ús went by ‘ Joldren leech.
‘k Sjoch Jan Post en heit noch skouwen,
Mei de fyts lâns paed en bou.
Tassen fol fan leed en wille,
Nei de Boegen, Klif en Skou.
‘k Sjoch Jan Swalker mei syn stokje
Nei Durk Wanders gean yn’t hea.
Symen Joad, de Lemster keapman,
Is ek, jierren lyn, al dea.
Bûterkamp en harstwichblommen
Kleurenpracht, yn ljocht en skaed
Lyk as ’t oansjen fan ús doarpke
Oan de ein fan ’t Huningspaed.
‘k Hear de rop fanôf Elfburgen,
Efter Waps en Sminkefeart
Dér’t de eintsjes fredich driuwe
Yn it speeg’lend jountiidsread.
Binn’ de tiden grif foroare
Eachj’ ik stil ’t Fonteinbosk oer.
Boppe de fakânsjehúskes,
Stiet noch rjocht de Marder toer.
Binn’ de tiiden grif foroare,
Lykwols bliuwt de fêste bân
Dy ’t ús bynt oan ’t lytse doarpke
Yn ús ynmoai Gaesterlân
Otte Siebrens
